Mittwoch, 31. Januar 2018

8481-8490

daz ir mich lâzen niht enwelt,
sô tuon ich, tugentrîcher helt,
swes iuwer muot rein unde wert
an mich geruochet unde gert.‹
›Diz lobe ich,‹ sprach der werde gast.
›sô der tac lât sînen glast,
sô kum ich alterseine.
vür iuwer bette reine
slîchen ich verholne wil.
doch wære mir daz lieber vil,

dass ihr mich nicht verlassen wollt,
dann mache ich, tugendhafter Held,
alles, was euer reiner und ehrenhafter Wille
von mir verlangt und begehrt.‹
›Das finde ich gut‹, sagte der angesehene Gast.
›Sobald der Tag aufgehört hat zu leuchten,
komme ich ganz allein.
Ich werde mich heimlich 
zu eurem reinen Bett schleichen.
Allerdings wäre es mir viel lieber,

Dienstag, 30. Januar 2018

8471-8480

zuo mîner kemenâten,
swenn ez beginne spâten
und sich mîn vater habe geleit,
sô wirt iu sâ von mir bereit
mîn trôst und mîner helfe rât.
ich lêre iuch dâ des widers wât
erwerben mit dem golde,
dar zuo gib ich ze solde
mich selben iu, vil sælic man.
swenn ich iu des getriuwen kan,

zu meiner Kemenate,
sobald es Nacht geworden ist
und sich mein Vater hingelegt hat,
so erhaltet ihr vor mir dann bald
meinen Trost und Hilfe durch meine Ratschläge.
Ich bringe euch bei, dort die Kleider des Widders,
die goldenen, zu bekommen.
Außerdem gebe ich euch, glückseliger Mann,
als Lohn mich selbst.
Wenn es so ist, dass ich euch glauben kann,

Montag, 29. Januar 2018

8461-8470

wie der slange tôt gelît.
ich kan iuch bî der selben zît
gewîsen und gelêren wol,
wie man die zene sæjen sol,
dar ûz die ritter werden süln.
mîn kraft ergründen und erhüln
kan mit listen alliu dinc:
des lânt, vil werder jungelinc,
belîben aller sorgen pîn
und îlent, trût geselle mîn,

die Schlange getötet werden kann. 
Ich kann euch dann auch 
beibringen und genau erklären,
wie man die Zähne zu säen hat,
aus denen die Ritter werden sollen.
Meine Macht kann mit Zauberwissen
allen Dingen auf den Grund gehen und sie erforschen.
Lasst deshalb, verehrter Jüngling,
alle quälenden Sorgen sein
und eilt, lieber Freund, 

Freitag, 26. Januar 2018

8451-8460

kan von mîner minne wert,
ich tuon, wes iuwer herze gert,
mit willeclichem muote sâ.
mîn rât iuch underwîset dâ,
wie man die wilden ohsen zampt,
und man si twinget bêdesampt,
daz der wunneclîche wert
muoz von in dâ werden gert
mit einem pfluoge sâ zehant.
dar nâch wirt iu von mir bekant,

von meiner herrlichen Liebe trennen könnte,
dann tue ich sogleich aus vollem Willen, 
was euer Herz begehrt.
Mein Rat wird euch dann lehren,
wie man die wilden Ochsen zähmt
und wie man sie alle beide dazu bringt,
dass das herrliche Sumpfland
von ihnen dort sogleich mit
einem Pflug beackert werden muss.
Ihr werdet von mir erfahren, wie danach 

Donnerstag, 25. Januar 2018

8441-8450

kêrent zuo mir âne braht.
swenn ez nû schiere werde naht,
sô slîchent, herre, lîse
und in verholner wîse
zuo mîner kemenâten hin,
dar inne ich alterseine bin
und öuge mîn geselleschaft.
wird ich von iu dâ sicherhaft
mit triuwen und mit eiden,
daz nieman iuch gescheiden

und ohne Aufsehen zu erregen zu mir.
Sobald es demnächst dunkel geworden ist,
geht ihr, Herr, leise
und heimlich
zu meiner Kemenate;
dort werde ich ganz allein sein 
und euch meine Freundschaft erweisen.
Nehmt ihr mir dort
durch Treueversprechen und Eide jeden Zweifel daran,
dass euch jemand 

Mittwoch, 24. Januar 2018

8431-8440

Mêdêâ sprach: ›ir redent wol.
niht anders wil ich, noch ensol
an iuch muoten unde gern,
wan daz ir mich geruochent wern
durchnehteclicher stætikeit,
und ich von iu die sicherheit
enphâhe, trût geselle,
daz iuwer herze welle
mich ân ende triuten.
heimlîche von den liuten

Medea sagte: ›Schön sprecht ihr.
Nichts anderes will und darf ich
von euch verlangen und erwarten,
als dass ihr bereit seid, mir
vollkommene Treue zuzusichern,
und ich von euch das Versprechen
erhalte, lieber Freund,
dass euer Herz mich
für immer umarmen will.
Kommt heimlich, von den Leuten ungesehen,

Dienstag, 23. Januar 2018

8421-8430

daz ich den schæper hie bejage,
sô wil ich mîner jâre tage
mit iu verslîzen und verzern.
ichn sol mich niemer des gewern,
mîn lant enwerd iu zinshaft,
ir sult in mîner hêrschaft
gebieten unde frouwe sîn
als ein gewaltic künigîn,
diu zepter unde crône treit
nâch volleclicher werdekeit.‹

das Vlies zu erjagen,
dann will ich alle Tage meines Lebens
mit euch verbringen und verleben –
und das muss für immer so sein.
Andernfalls würde euch mein land tributpflichtig;
Ihr würdet über meine Besitzungen
herrschen und 
als mächtige Königin,
die Zepter und Krone trägt,
Herrscherin sein, mit voller und ganzer Würde.‹

Montag, 22. Januar 2018

8411-8420

und ûf mîn ritterlichez leben.
prîs unde lop wirt iu gegeben
iemer durch den willen mîn.
als eine werde künigîn
êrent iuch man unde wîp.
mîn leben unde mînen lîp
wil ich iu, vrouwe, neigen.
mîn lant wirt iuwer eigen
und allez, daz ich ie gewan.
ist, daz mir iuwer helfe gan,

und mit meinem Leben als Ritter.
Auf ewig wird man euch loben und preisen,
wegen meines Entschlusses.
Männer und Frauen werden euch
als angesehene Königin verehren.
Meinen Leib und mein Leben
werde ich euch, edle Dame, unterwerfen.
Mein Land wird euer Eigentum
und ebenso alles, was ich je bekommen habe.
Wenn mir eure Untersützung dazu verhilft,

Freitag, 19. Januar 2018

8401-8410

gar betwungen âne were.
bî den göten ich iu swere
einen hôhen tiuren eit,
daz ich dur liebe, noch dur leit
von iu gescheide niemer.
ich wil iuch minnen iemer
mit durchnehtigen sinnen
und vüere iuch mit mir hinnen,
swenn ich ze lande kêre:
daz nim ich ûf mîn êre

und ohne Gegenwehr vollständig besiegt.
Ich schwöre euch, bei den Göttern, 
einen noblen Eid von hohem Wert:
Sei es durch Freude, sei es durch Leid,
niemals werde ich mich von euch trennen. 
Ich will euch für immer lieben,
mit tadellosen Gedanken
und ich nehme euch von hier mit,
ganz egal, wohin ich auch gehen werden.
Dafür stehe ich, mit all meinem Ansehen 

Donnerstag, 18. Januar 2018

8391-8400

und iuwer schœne wart bekant,
sît bin ich in der minne bant
gevallen hin ze grunde,
dar umb ich alle stunde
muoz erfüllen iuwer gir.
ob ir niht hülfent, frouwe, mir
den schæper hie gewinnen,
doch wolte ich iemer minnen
mit triuwen iuch vür alliu wîp.
ir hânt mir leben unde lîp

und seit ich eure Schönheit kenne,
seitdem bin, gefesselt mit Liebe,
zu Boden gegangen,
so dass ich zu jeder Zeit
euren Willen erfüllen muss. 
Selbst wenn ihr mir, edle Dame, nicht
helfen wolltet, dieses Vlies zu erobern,
würde ich euch doch auf ewig
mehr lieben als jede andere Frau.
Ihr habt mich mit Haut und Haar 

Mittwoch, 17. Januar 2018

8381-8390

›swaz ir wellent, daz tuon ich.
ir hânt gesprochen wider mich
sô minneclîche und alsô wol,
daz ich iuwer füeze sol
iemer drumbe suochen.
wol mir, daz ir geruochen
wellent mîner friuntschaft,
wan ich hân sin, herz unde kraft
mit ganzer stæte an iuch geleit.
sît daz mir iuwer sælikeit

›ich tue, was immer ihr wollt. 
Eure Worte waren so liebevoll 
und mir gegenüber so gutmütig,
dass ich euch dafür
ewig zu Füßen liegen muss.
Welch’ Glück für mich, dass ihr 
meine Freundschaft sucht,
denn ich habe meine Kraft, mein Herz, mein Denken
getreulich auf euch gerichtet.
Seit ich weiß, dass ihr vom Glück gesegnet seid, 

Dienstag, 16. Januar 2018

8371-8380

und erwende al iuwer nôt.
daz golt durchliuhtic unde rôt,
daz ûf im der wider treit,
und sîner glanzer hiute cleit,
daz hilfe ich iu gewinnen,
welt ir mich, herre, minnen
ze ganzer und ze stæter ê
mit wâren triuwen iemer mê.‹
Jâson, der wart der rede vrô.
›genâde, frouwe,‹ sprach er dô,

und ich wende allen Schaden von euch ab.
Das hell und rot strahlende Gold,
das der Widder trägt,
und das Kleid seiner glänzenden Haut –
ich helfe euch, das zu erobern,
wenn ihr mich, Herr, lieben wollt,
in unteilbarer und immerwährender Ehe
und mit wahrer, ewiger Treue.‹
Jason war glücklich über diese Worte.
›Zu euren Diensten, edle Dame‹, sagte er darauf,

[Noch einmal prüfen, ob ich das »rote« Gold immer mit »rot« übersetzt habe (oder mit dem heutigen »gelb«); das wäre noch zu vereinheitlichen…] 

Montag, 15. Januar 2018

8361-8370

daz ich schick allez, daz ich wil.
dekeiner dinge ist mir ze vil,
diu man getuon mit listen mac.
herr, iuwer lobelich bejac,
der ist geleit an mîne kunst;
ob ich getriuwes herzen gunst
an iu mit stæte vinden kan,
alsô, daz ir mîn êlich man
geruochent werden unde sîn,
ich tuon iu ganze helfe schîn

dass ich alles bewerkstelligen kann, was ich möchte. 
Keine Sache übersteigt meine Möglichkeiten,
sofern man sie mit Zauberei vollbringen kann.
Herr, eure lobenswerte Jagd,
die steht und fällt mit meiner Zauberkunst.
Wenn ich die Zuneigung eines treuen Herzens
und Zuverlässigkeit bei euch finde,
derart, dass ihr mein Ehemann
werden und bleiben wollt,
dann wird euch meine ganze Hilfe zuteil

Freitag, 12. Januar 2018

8351-8360

der bin ich gar ein meisterîn.
wirt iu von dem gewalte mîn
rât unde helfe niht beschert,
sô wizzent, daz ir ungenert
belîbent ûf der erden
und daz ir mügent werden
von keiner arzenîe erlôst.
mîn rât muoz werden iuwer trôst,
ob ir den schæper wellent hân.
mîn zouber ist alsô getân,

habe ich es zur Meisterschaft gebracht. 
Wenn euch durch meine Macht
Rat und Hilfe nicht zuteil wird,
dann könnt ihr sicher sein, dass ihr 
auf dieser Welt unbeschützt bleibt
und dass ihr von keiner
Arznei geheilt werden könnt.
Mein Rat muss eure Hoffnung sein,
wenn ihr das Vließ haben wollt.
Mit meinem Zauber verhält es sich so,

Donnerstag, 11. Januar 2018

8341-8350

gewinne ich iu mit listen.
ich kan iuch wol gevristen
vor angestlicher vreise.
ich wîse iuch ûf die reise,
die man zuo dem widere vert;
ob iuch mîn helfe niht genert,
sô sint ir iemer ungenesen.
ich hân diu swarzen buoch gelesen
und erkenne manigen list.
swaz künste ûf al der erden ist,

erbeute ich für euch mit meiner Kunst.
Ich kann euch sicher schützen
vor schrecklicher Gefahr.
Ich zeige euch den Weg,
den man zu dem Widder nimmt;
und wenn euch meine Hilfe nicht beschützt,
dann gibt es nichts, was euch helfen kann.
Ich habe die schwarzen Bücher gelesen
und kenne so manche Kunst.
In allen Wissenschaften, die es auf der Erde gibt,

Mittwoch, 10. Januar 2018

8331-8340

noch verkepsen für ein wîp,
ich vriste iu leben unde lîp
vor schaden manger hande.
ist, daz ir mich ze lande
mit iu füerent hinnen
und mich geruochent minnen
als eine êlichen vrouwen,
ich lâze iuch, herre, schouwen
den wider âne swære.
die wollen wunnebære

zugunsten einer anderen Frau zur Mätresse zu machen,
dann bewahre ich euch und euer Leben
vor manigerlei Schaden.
Wenn ihr bereit seit, mich mit euch
von hier in euer Land zu nehmen
und wenn ihr bereit seid, mich
als eure Ehefrau zu lieben,
dann ermögliche ich euch, Herr, 
den Widder ohne Schwierigkeiten zu erreichen.
Die liebreizende Wolle

Dienstag, 9. Januar 2018

8321-8330

durch daz wunnebære golt.
herr, ich bin iu gewesen holt
mit stæte in allen mînen tagen.
sît daz ich sprechen unde sagen
hôrt iuwer ganze werdikeit,
sît hân ich mînen muot geleit
an iuch mit reinen triuwen
und muoz mich iemer riuwen,
sult ir den lîp verliesen.
welt ir mich niht verkiesen,

liebreizenden Goldes nicht zugrunde ginget. 
Herr, solange ich lebe bin ich euch,
ohne je daran zu zweifeln, zugetan. 
Seit ich von eurer umfassenden Würde
sagen und erzählen hörte,
seidem habe ich mein Denken und Wollen
mit reiner Treue auf euch gerichtet
und es würde mich in ewige Trauer stürzen,
wenn ihr euer Leben ließet. 
Falls ihr bereit seid, mich weder zu verstoßen noch 

Montag, 8. Januar 2018

8311-8320

daz ir alsus verderbent,
wan ir bî namen sterbent,
ob ir den schæper wellent hân.
wær iuwer muot alsô getân,
daz ir mich woltent minnen
mit durchnehtigen sinnen
und ze stæteclicher ê,
sô schüefe ich, daz ir âne wê
die wollen sanfte erwürbent
und daz ir niht verdürbent

derart zugrunde zu gehen,
weil ihr nämlich gewiss sterben werdet,
wenn ihr das Vlies haben wollt. 
Wenn ihr gewillt wärt,
mich zu lieben,
von ganzem Herzen
und in treuer Ehe,
dann würde ich dafür sorgen, dass ihr unversehrt
die angenehme Wolle bekommt
und dass ihr wegen des 

Freitag, 5. Januar 2018

8301-8310

und iuwer sældenrîchez leben,
daz muoz mir iemer jâmer geben
und inneclichez ungemach;
wan swaz ich ritter ie gesach,
der schœne dunket mich ein wint
und ist vor mînen ougen blint
biz an die liehten clârheit,
der got ein wunder hât geleit
an iuch vür alle werde man.
dâ von ich iu des übel gan,

und euer vom Heil erfülltes Leben zunichte werden,
das würde mir ewiges Leid bescheren 
und tiefgefühlten Schmerz;
denn all die Ritter, die ich jemals gesehehen habe,
deren Schönheit scheint mir wertllos zu sein
und sie wird von meinen Augen gar nicht wahrgenommen,
angesichts des leuchtenden Glanzes,
von dem euch Gott in unglaublichem Maße
mehr verliehen hat als allen andern edlen Männern.
Deshalb gönne ich es euch überhaupt nicht,